من طرف 
ياقلبي لاتشكي همومك على الناس
ما كل شخص (ن) يعذرك في ماصابك
لاتسكب الدمعه على خد حساس
لاتحرق اوراق الزهر في عتابك
ولاتضيق الصدر المولع بالانفاس
ولاتقطع عروق (ن) بكت عند بابك
ياقلب والله مابقى في عيني نعاس
يومك شكيت الحب محد(ن) درى بك
النار ماتحرق سوى رجل من داس
اللي كواه الحب يفهم خطابك
قبلك شرب مجنون ليلى من الكأس
واليوم نفس الكأس تسقى شرابك
آآآآه ياقلب أعرف معدنك معدن الماس
توفي لحبيب الروح لو هو رمى بك
ياقلب خلك بالشدايد قوي بأس
ماتلتفت للجرح لو هو سطى بك
ياقلب لاتسقي عروقك من اليأس
خل الامل والصدق دايم زهابك
مادام طاحت فأسك اليوم بالراس
أعذرجميع الناس واخفي عذابك
