من طرف 
[ ضناه الهمـ ] و [ اغراه الزمان ] و [ مات بيديني ]
اشوف مرايته سودا . . والعابه حطامـ قبور
وبيته غرفه من طين وأقلامه. . سكاكيني!!
دفنته. . وانتهت قصة غرامـ وشاعر مغرور . .
واخذت من الدموع اكتب . . مكانه وين من عيني ؟؟
لقيته في مناديلي . . يصيح ويشعل التنور . .
يقوول ارجوك . . تلملم غربة سنيني !!
يقول صبري البارح تمادى حده المسعور . .
وانا من ذقت غرباله . . طرالي بيت يبكيني. .
[ لو اغرق في بحر حبه ] أو [ اشرب من عناه بحور ]
. . [ قسمـ باللـه ماتنزل غلاته من شراييني ] . .
بكيت وقال: يا ابن أدمـ انا الميت . . انا المقبور
علامك كل ماجيت . . تزيد من القهر فيني ؟؟
وقلت : الناس يا ابن ادمـ . . تجيلك كل يومـ بدور . .
تجي في الصبح تفرحني . . واذا طابت تبكيني . .
اشووف الهم يسرقني . . واثاري همنا مقدور . .
مدامـ الليل مايدري . . علامـ الويل يشقيني . .
ومدامـ الصبح يسرقني . . تعال اكشف المستور . .
حكايه من غرابتها . . بدون شعور تطريني . .
" مدينه " سورها ضايع و " شارع " شاعره مبتور . .
و " حديقه " في مراجحها نبت . . ورد وشياطيني
و دفتر مله الشاعر . . رسم فيه [ الغرامـ قصور ] . .
و " قصيده " من جرائتتها . . تقول العن عناويني !!
و " بيت " باخر الشارع يمينه . . شارع مشهور . .
يساره . . شارع اغبر عليه ابكي دواويني . .
ومره في لياليها لقيت . . اني بدون شعور . .
بديت احب لي طفله . . على الاوراق تغريني . . !
بديت ارسم ملامحها . . ليالي حظها المأسور . .
وبدا طيش السهر ليله . . بدون احساس يسقيني !!
وبدا يشرح معاناته . . وانا [ من داخلي مقهور ] . .
وبديت اشرح معاناتي . . وهو مثلي يواسيني . .
كبرت وشفتها تكبر. . حقيقه تنتمي لسطور . .
مابين احساس " يوصلني " الين احساس " يخفيني "
شعرته ليلة ظلما . . لقيته غادتي والنور . .
ذخرته في مكاتيبي . . وجنيته حب يحييني . .
. . [ أحبه ] . .
كثر مامرت من ايام الغرام دهور
. . [ أحبه ] . .
كثر ماتمطر سحابة في بساتيني
. . [ أحبه ] . .
كثر مامرت ثواني حبنا بشهوور
. . [ أحبه ] . .
كثر ماتطري ذنوبه في موازيني
. . [ أحبه ] . .
كثر ماطار الحمامـ وغرد العصفور
. . [ أحبه ] . .
كثر ماحرفي سال من حيرت ويني
..[ أحبه ]..
كثر ما ازعل من ايامـ الجفا واثور
. . [ أحبه] . .
كثر مايسري خياله في مياديني
نبتله بالخفى ورده . . سقتها دمعتي بسرور . .
قطفها ." بس بالقوه ". وانا مذهول وش فيني ؟؟
حسبته يومـ قطفها . . يقول لي : مشكور !
ولكن راح من عندي . . وانا الاحزان ترويني
دخيلك . . ليه تجرحني ؟؟! وانا ارسمك لشذاي زهور . .
دخيلك . . ليه في بحرك بدون شرااع تنسيني ؟؟
دخيلك . . ليـه وباقي سوى اني ابتعد مجبوور ؟؟
اخاف اكون في بالك . . مجرد [ شعر يعنيني ] !
بكت كل الطرق بعده . . بكت واستاذنت بالجور . .
وبديت ألملمـ اوراقي . . وأردد . . [ مايخليني ] . .
لقيت ان الطفل ميت ! وانا في حيرتي منثور . .
مابين اسال على حالك . . وبين . . اللـه يشافيني . .
دفنت الطفل في صدري . . بكيت وقلت له " معذوووور "
مدام الهمـ في قلبي . . نمى واجتاح من حيني . .
ولكن خل في بالك . . / . . مدامـ ان الحكي محظور
مدامك شفتني ابكي . . ترى هالبيت يبكيني . .
[ لو اغرق في بحر حبه ] أو [ اشرب من عناه بحور ]
. . [ قسمـ باللـه ماتنزل غلاته من شراييني ] . .