قصيدة فتاة غلطانه برقم التلفون ؟؟؟@@~~

    شاطر

    loza
    الأداره
    الأداره

    عدد المساهمات : 3235
    العمل/ : تطوير المنتدى
    نقاط : 4478

    m قصيدة فتاة غلطانه برقم التلفون ؟؟؟@@~~

    مُساهمة من طرف loza في الثلاثاء يناير 27, 2009 3:54 pm



    شـر فـي الاتصـالات يخـطـون
    يخطون واخطي.. عذرنا هاتف فلان؟؟
    ومن عادتي ماهتـمّ باللـي يقولـون
    من غلط في رقمي .لقى الردّ غلطـان
    الين جااء فـي يـوم ..دق ّ التلفـون
    شفت الرقم.. لقيتـه اشكـال والـوان
    فتحت جوّالـي ابعـرف مـن يكـون
    سمعـت صـوتٍ فيـه بحّـه وفتّـان

    قالت لي: انت تركي؟ قلت: ايه بالعون.
    لعيونك.. اسمي تركي لو كان ضيـدان
    قالت :اتظنّي مخطئه. قلت :وشلـون؟؟
    قلبي توقّـف مانبـض فيـه شريـان
    بالهـون يابنـت الاجاويـد بالهـون
    من عادة الانسـان يرتـاح لانسـان
    تسمّعـي يابنـت وابليـس ملـعـون
    اخذي كلام ٍ مصدره صـدق وجـدان

    ماني بقايل لك: انـا انسـان مزيـون
    اطرق ولاله شبه في الانـس والجـان
    انا عبدالله.. وافـي الهـرج مـوزون
    اوزن كلامي.. قبـل اقولـه بميـزان
    وانا الّذي لاحـبّ ..لايمكـن يخـون
    مخلص مدامه حيّ .ويمـوت ماخـان
    وانـا اذا حبّيـت.. حبّيـت بجنـون
    حبّـي يفجـر داخلـي الـف بركـان
    وانا الّذي ماطـرد ورى مـن يقفّـون
    من صدّ عنّي عمد.. بجزيـه حقـران
    هذي وصوفي .واكثرالنّـاس يشـرون
    وانتي عليك اليـوم تقديـر الاثمـان

    قالت :اشوفك قمت ياعبـدالله تمـون
    تضحـك وضحكتهـا تقاسيـم فنّـان
    قلت :الميانه.. ماهي بضحكة سنـون
    احيـان ماتلقينهـاا بيـن الاخــوان
    ترى الميانه شيّ واضـح ومضمـون
    اذا اجتمع شخصين.. في قلب ولسـان

    قالت :كلامك وافـي ٍ يابـن خلـدون
    احيان احسّ ان جلستك بيـن شيبـان
    يا عبدالله .اسمع كلمة البنت ميسـون
    اسلوبك ووقتك.. مضت دونها ازمـان
    هـذا زمـن قدواتـه افـلام كرتـون
    وهذا زمان ارجالـه اجسـاد وابـدان
    قالت.. وغنّت لي على وقتـي لحـون
    قلت: اسكتي من بعد ماخاطري شـان
    انا ادري ان الوقت.. من دون في دون
    لكن فمان الله وانـس ِ اللـذي كـان

    قلته وانا صامل.. وهي عندهـا آذون
    لكنّـهـا ماصـدّقـت سـمـع الاذاان
    ضاقت ...وخلق الله دايـم يضيقـون
    وانا قفلـت الخطّ..ضايـق وزعـلان
    ونسيت.. والاجواد في الوقت ينسـون
    ماسـمّـي الانـسـان الاّ بنسـيـان

    المشكله..بنـات حــوّا مايسـلـون
    دقّت علي وانـا لهـا شبـه شفقـان
    قبل آآتكلّم.. قالت: اسمـع ولاتهـون
    اسمي مهو ميسون.. حان الصدق حان
    الاسم منـى وآخـر الجـدّ مصيـون
    مهـره ولا طوّعـت بلجـام وعنـان
    قلت: ارحبي مليون تضـرب بمليـون
    اقولهـا مليـون مـن قلـب ولسـان
    قلت: ارحبي في العين ..ولحافك جفون
    وظلالك من الشمس باهداب الاعيـان
    ياعيـن حـر ٍ بالمطاليـع مفـتـون
    حر ٍ شـراه مولّـع الصيـد طربـان


    ==========================================

      الوقت/التاريخ الآن هو الخميس ديسمبر 08, 2016 12:29 am