لمحبي حامد زيد (الذهب والحلم )

    شاطر

    & غـــــزل&
    عضو فعال
    عضو فعال

    عدد المساهمات : 228
    العمل/ : طالبه
    نقاط : 0

    w لمحبي حامد زيد (الذهب والحلم )

    مُساهمة من طرف & غـــــزل& في الإثنين سبتمبر 15, 2008 12:36 am

    ??? الـحـلـم ???


    بوقت من البطا وبالليل تتراقص شياطينه . . بعد شفت الضيا ينزع من ثياب المسا ثلثين
    تحايلت المنام اللي مثل بيتك تمرينه . . وانا اللي من تفارقنا وانا ما غمضت لي عين
    غريبة كل حلم يمر برقادي تزورينه . . والأغرب كيف أحلم الحلم وأرجع وأحلمه بعدين
    قبل يومين شفتك بالمنام وقمت من حينه . . ونمت أمس ورجع نفس المنام اللي قبل يومين

    انا اللي قبل أسافر شلت قلبي من شرايينه . . تركته في يدك مثل الأمانة واحفظيها زين
    ترى حفظ الامانة دين مجبورة تردينه . . أجل مافيه أحد كد قال لك حفظ الامانة دين
    مرد المقفي بيلفي ويستوفي وتوفينه . . بعد ليلة ثلاثة أربعة عشرة شهر شهرين
    إذا انتي مانتي بقد الكلام اللي تقولينه . . حرام استامنك حاجة وإذا جيت أطلبك تنسين
    تخونين وتبين أرضى وأحد يرضى تخونينه . . أنا لو جيت أخونك مع حبيبه ثانيه ترضين

    من أول ما رجعت من السفر ما شفت لك بينه . . وأنا اللي كنت احسبك قبل أدوس أرض المطار تجين
    تكونين انت اول شخص عيني تحتضن عينه . . وكنت اتخيلك من زود فرحتة رجعتي تبكين
    وأشوف بدمعتك حكيك وأعرفه قبل تحكينه . . واجيب احلى من اللي بتحكينه واتركك تحكين
    تقولين الوطن نور وأقول بنوره مضويه . . تقولين لي غديت أحلى وأقول عيونج الحلوين
    كلام نام بشفاهك وخفتي لا تصحينه . . ذخرتيه لغرام للي ينام ويتركك تصحين

    تـغـانمتي غـيـابي..لين رجـحـتي موازيـنه. .تـعلم مـن يـدك لـمس الـكفوف وعـلمك تجفين
    ولـيـتك لاقـيـه بــه شـي...فيني مـاتلاقينه . . مـهو بـغرور..لكن خـابرك مـالك أمـل تـلقين
    تـغـافلك بـغلا..والإ الـحلا مـهو بـمن زيـنه . . تزينه الصور ..بس الصحيح ابن الحلال((زوين))
    وأنــا مـاني بـنقاص عـنه يـوم أنـك تـبدينه . .نـصيبي..هو نـصيبي لـو يـسددها من الصوبين
    قـنـوع بـمـظهري،والسم مـايـذبح ثـعـابينه . .عـلى قـول الـمثل((ماني حلو..لكني ماني شين))
    إذا اهداك الزهر مرة فأنا أهديتك بساتينه . . وإذا ألهاك بفرح ليلة فانا تهت لبكاك سنين
    وإذا أستضعفتك أملاكه وشتتك ملايينه . . أنا حتى فتات الخبزة أقسمها معك نصين
    طموحي بس أجي وأظفر بشيء تستحقينه . . تدينته تسلفته سرقته مو مهم منين
    كأني من كثر ما أرضى بكل اللي تمنيته . . لو أنك تطلبين الله يعنيني بقول آمين
    انا ما ألعب على الحبلين وقت الطيش وسنينه . . تبين الحين يوم أني كبرت ألعب على الحبلين
    ترى عند البدو بالذات عيب اللي تسوينه . . حلاتك لا عشقتي تعشقيني ليوم الدين
    غرام يسكن ضلوعي حشيمه من مجانينه . . جفا يجمع معزتنا ولا عشق يذل اثنين

    كثار اللي تحدوني وقالوا تحبينه . . أمانه لاتخليني صغير بعينهم تكفين
    لأني كل ماقالوا تخون أقول مسكينه . . عليك الله وأمانه عليمهم منهو المسكين
    انا خايف ليا طاح الجمل تكثر سكاكينه . . وانا ما عاد بضلوعي مكان لطعنة السكين
    مثل ما قالوا المكتوب واضح من عناوينه . . لو أرحل منك للغربة بأسافر من ظلامك وين
    كفاية كل حلم يمر برقادي تزورينه . . كفاية من تفارقنا وانا ما غمضت لي عين
    قبل يومين شفتك بالمنام وقمت من حينه . . ونمت أمس ورجع نفس المنام اللي قبل يومين



    ??? الذهب ???

    ياكثر مارافقت خلان وأحباب. .وياكثر مافي شدتي هملوني
    على كثر ماعدهم ستر وحجاب. .على كثر ماحتجتهم وتركوني
    من صارت الخوه ثمن حفنة تراب. .نفس الوجيه الي نصوني..نسوني
    من غير ذكر عروق..وفروق..وأنساب. .كانوا ثلاثه..والثلاثه جفوني
    علمتهم وشلون الأهداف تنصاب. .ولما سواعدهم قوت..صوبوني
    عشاني اصغرهم عمر..صاروا احزاب. .عشاني اصدقهم قصيد..اظلموني
    الي نجح اسمي زرع فيهم انياب. .حتى النصيحه مابغوا ينصحوني
    دام العطايا عندهم دين واتعاب . .والله لو اطلب ذنبهم ماعطوني
    طالب نصيحه كني مطالب رقاب. .وهي نصيحه..كيف لو زوجوني
    كنت اكتب لنفسي مشاريه وعتاب. .ولاادري ان اللي قروني..قروني
    تضاربت من دوني عقول والباب. .واجد بغوا غيري..وواجد بغوني
    اقبل هدب تسهر على شعري اهداب. .كني حبست رقادهم..في جفوني
    لو شفتهم واحد..يشوفوني اسراب. .من وين مالدوا نظرهم..لقوني
    اثري وجودي بينهم محرق اعصاب. .ومزعل بعضهم من بعض..لو طروني
    ياكبري بعيني..وانا توني شاب. .وأهم كتاب الشعر حاربوني
    حتى ولو يهوي على نجمي شهاب. .يكفيني ان اسمي كبير بعيوني
    كد قال ابوي..ان هبتهم..قول..ماهاب. .لو يقدرونك.. قول..ماتقدروني
    ومدام قبري محتضن راس مرقاب. .على كثر ماتقدرون ادفنوني
    لو ماني بذيب..انهشت عظمي ذياب. .لو ماقدرت اثبت وجودي..لغوني
    لو ماسكنت وجيههم..مت بغياب. .لو ماعرفت امحي ورقهم..محوني
    ماجيت ابدبل كبدهم شعر وخطاب. .لين ادبلو كبد الذي خلفوني
    ياويل وجهي كن للدمع مخلاب. .ماجف ماه ومااستحى من طعوني
    كل ماطرى لي منظر مريب وارتاب. . كان الوحيد اللي يحرك شجوني
    قبلة صلاة وذكر وخشوع وكتاب . .وأمي على سجادة النور دوني
    تدعي لي الله يفتح بوجهي ابواب. .تتوسله بالشده يكون عوني
    من كثر ماخفاقها بالدعا ذاب. .صارت تحس ان زملاي كرهوني
    بشرتها..يمه معي ربع واصحاب. .ماني لحالي..واجد اللي يبوني
    من يوم ماحاز قلمي كل الألقاب. .قلطتهم في دفتري وحفظوني
    الله وهبنيهم بني عم...واجناب. .من يوم جيت اعجبتهم..واعجبوني
    واعجابهم فيني مهوب اية اعجاب. .باسلوبي..بشرحي..بطرحي..بلوني
    لو قلت عن نفسي بشر..صرت كذاب. .لو قلت دمي من ذهب..صدقوني
    لو بيدهم كان زرعوا دربي اعشاب. .لو كيفهم يتشبهون..شبهوني
    من كثر ماصاروا من طبوعي اقراب. .حتى بلبسة شمغهم..قلدوني
    واجد دعوني واغلقوا دوني الباب. .وكثار ناس ابكيلهم مابكوني
    لو طالوا الهدني مناسيب واطناب. .كانوا غلاتك من زمان هدموني
    مدام حطوا فيني عيوب وأسباب. .جنبت عنهم..مثل ماجنبوني
    اصلاً لو أن بخوتي شيء ينعاب. .ذبحت نفسي..قبل لايذبحوني
    انا يدي لو ماكست متني ثياب. .نذرٍ علي أقطع يدي من متوني
    مو عيب اجي مدعو..ولاأشوف ترحاب. .العيب لو اني رجعت دعوني
    مادمت اجي..ولايحسبولي حساب. .حرمت اروح..إذا يبوني يجوني..

    loza
    الأداره
    الأداره

    عدد المساهمات : 3235
    العمل/ : تطوير المنتدى
    نقاط : 4478

    w رد: لمحبي حامد زيد (الذهب والحلم )

    مُساهمة من طرف loza في الإثنين سبتمبر 15, 2008 8:27 am



    ==========================================

      الوقت/التاريخ الآن هو الخميس ديسمبر 08, 2016 1:57 pm