لكل محبي حامد زيد ((المباني)) و ((الريم اللعوب))

    شاطر

    سعودي خجوول
    عضو جديد
    عضو جديد

    عدد المساهمات : 17
    نقاط : 0

    default لكل محبي حامد زيد ((المباني)) و ((الريم اللعوب))

    مُساهمة من طرف سعودي خجوول في الأحد سبتمبر 14, 2008 5:03 am

    لكل محبي حامد زيد ((المباني)) و ((الريم اللعوب))

    --------------------------------------------------------------------------------

    اليوم جايبة لكم قصيدتين من قصائد الشاعر الكبير حامد زيد



    المباني>>

    جابك الله من غياب ضيق صدور المباني
    ============قبل للوحشه تزلزل بيتك الصلب وتبيده
    بيتك اللي من رحلت وكل جدرانه تعاني
    ============ماتحمل ينتظر شهريــن وعيونك بعيـــده
    الله العالم لو انك جيت متأخر ثواني
    ===========ماتشوف الا بقايا من حصاه ومن حديده
    من عرفتك وانت تايه من مواني في مواني
    ===========وتارك قلبي مولع من وقيدي وفي وقيده
    ضاعت سنيني احد بهالليالي وتحداني
    ==========وانت ما تشبع غياب وما تخاف من النقيده
    ودي اتحمد لك الله بالسلامه ما مداني
    ============كل ماتوصل برحله تروح برحله جديده
    دام تدري كل وجه غير وجه الله فاني
    =========ياخي اكسب لك ثواب وخاف ربك في عبيده
    كان فيني عيب قلي فيني العيب الفلاني
    ===========كان هرجي مزعلك في شي قلي لاتعيده
    عيب تصغر في عيوني وانت برقاب الغواني
    ===========ليه تستسهل طعوني وانت خابرني وليده
    لعنبوك انت مت بيدك وش يفكك من اخواني
    ===========لاحزنوا ربعي علي فرقاي شلي تستفيده
    انت منت اللي عشقته انت اكيد انسان ثاني
    ============ليه صرت بهالبرود وهالاحاسيس البليده
    وين حبك للزعل وين العناد الاولاني
    ============وين حنيه زمان وفرحه العمر الرغيده
    وين ذاك اللي ليلا اقبل مايبات الا بمان
    ===========وين راح اللي لايقفا ما يروح الا فقيده
    واحد من جابه الله بس يامر ويعصاني
    =========الوحيد اللي اخاف ازعله وامشي معه سيده
    مابغيت اطيح بيده لين ماربي بلاني
    ===========والا انا لوهي بكيفي مابغيت اطيح بيده
    ذاك بس اللي لامني جيته لخبط كياني
    ============اللي بنظره ينشف دم قلبي في وريده
    قبل اشوفه اجمع له احلى القصايد والمعاني
    ==========وان لقيته ما عرفت اقول له جمله مفيده
    الف مره قبله اعد القصيده من لساني
    =========ولعنبوه ان جيت عنده قمت الخبط بالقصيده
    امدحه وانا ادري انه لو تباطاني نساني
    =========انطحه وانا ادري انه مجنون وافكاره عنيده
    من يسويبي سواتك يالرهيف الاسمراني
    ========من هو من الناس غيرك غلطته ترفع رصيده
    من يقص اجناح طيرك وانت اعز انسان جاني
    =========ليه اخاف رماح غيرك وانت ضرباتك سديده
    ان تبعتك اتبعك من طيبي وواسع بطاني
    ========ولا انا لاجيت اكيد انسان اعرف كيف اكيده
    اقدر انزع لك ثيابي والبس ثياب الاناني
    =========واقدر اطلع من عذابي والعب بدورك واجيده
    ومستعد اكسب رهاني لو بغيت اكسب رهاني
    ==========واخدعك باحساس كاذب واتحدى من يصيده
    ابك انا لاشفت خلي حط غيري في مكاني
    ==========والله اني لاتركه واصد واعشق سيد سيده
    جيت مابيك تحقرني جيت ابيك تعز شاني
    =========جيت ابي فزعة ضلوعك من مشاعرك البليده
    خلني داخل حدودك واجبر بخاطر زماني
    ===========اكذب بباقي وعودك واصدق بلحظه سعيده
    انت شلني من برودك لو تولع بالمحاني
    =========عطني احساس بوجودك واخذ كل اللي تريده
    تكفى ولايقل تكفى بيع خلق الله عشاني
    ============لاتضيع من يديني فرصه العمر الوحيده
    يعلم الله شفت منك ومن غيابك ما كفاني
    ============كان ماتقدر تخفف هـــم قلبي لاتزيــــده
    شف غيابك وش مسوي بالصدور وبالمباني
    =======وانت تدري تدري كيف كانت صدمة غيابك شديده
    والله لو انك وصلت البيت متأخر ثواني
    ===========ما تشوف الا بقايا من حصاه ومن حديده..
    >>هالقصيده اموت فيها لدرجه اني حافظتها ابدع حااامد صرااحه..


    الريم اللعوب>>..


    وعيني اللي كل ما ذعذع من الغربي هبوب
    يحلالها لون الغروب اللي يذوب قبالها
    ويويل حالي كل ما يحلا لها لون الغروب
    تطري لي الريم اللعوب وسالفة ترحالها
    وعز الله اني كل ماتطري لي الريم اللعوب
    حرمت امد ايدي على حاجه وانا ما اقوى لها
    من شافرت ريم الفلا صدريت عن كل الدروب
    ماهو قصور بالعذارى بس ذيك لحالها
    من فارقتني ما خطف قلبي من الحور محبوب
    ولا لقيت الجادل اللي تستحق احيا لها
    لان القلوب ان ماوفت لاحبابها ماهي قلوب
    والعشره اللي ماترد الروح مانسعى لها
    اما الوفا اللي يستر الرجال من كل العيوب
    والا الوفا اللي يستر عيوب العرب في رجالها
    ما اقسى من فراق الجنوب الا فراق اهل الجنوب
    ويلي على اللي كل ماتزعل تشد رحالها
    اللي مذليلها العتب كل ما شبت في صدري شبوب
    عيي اراضيها وهي عيت تطول بالها
    كانت معي مثل النصيب يحدني من كل صوب
    كانت دروبي من متاهات الظلل لظلالها
    كانت هروبي لاشعرت اني بحاجه للهروب
    كانت سماي اللي لاضاقت على الجا لها
    ليه تحداني وانا في كل الاحوال مغلوب
    ليه حرمتني من قهر عذالي وعذالها
    ليه تجاهلني وانا ماني جبان ولا كذوب
    ليه ارخصت دمعي وانا اللي مابكيت الا لها
    ما ترحم اللي له سنه كنه على النار محطوب
    ماهزها دمع الفقيد اللي بكته اطلالها
    ماخافت تهدم السنين اللي بنتنا طوب طوب
    مافكرت تشفق على حالي وترحم حالها
    قولوا لها لو ماتذوب انا بخليها تذوب
    قولوا لو ماعنت لي مستعد اعنى لها
    اليلا دمحتلي هالخطى بدمح لها كل الذنوب
    وان جابت الحسنه معي تبشر بعشر امثالها
    افرش لها صدري طن واجمع من ضلوعي شعوب
    وارقى لها في مكانها اللي محد يرقى لها
    ان كاني مخطي فنا ماني خلي من العيوب
    الذنب يغفر والبشر تجزى بقدر اعمالها
    البعد قاسي والفراق يضيق الصدر ارحوب
    وانا تعبت ادور الحيله وارد احتالها
    قولوا لها ترجع ترى ماني على الحزن مغصوب
    والا ترى نذر علي انه مهو اشوى لها
    اما اتجنب الهبال وتترك العلب وتتوب
    والا بتبشر بالهبال اللي مهوب هبالها
    كافي زعل ترى الظروف مقفله من كل صوب
    وانا حملت من الهموم انواعها واشكالها
    يكفيني اني كل ماهبت على صدري هبوب
    اتحن عيني للجنوب وتلفت بلحالها
    والمشكله اني كل ماحنت عيوني للجنوب
    تطري الريم اللعوب وسالفه ترحالها
    وعز الله اني كل ماتطري لي الريم اللعوب
    حرمت امد ايدي على حاجه وانا مقوى لها

    & غـــــزل&
    عضو فعال
    عضو فعال

    عدد المساهمات : 228
    العمل/ : طالبه
    نقاط : 0

    default رد: لكل محبي حامد زيد ((المباني)) و ((الريم اللعوب))

    مُساهمة من طرف & غـــــزل& في الإثنين سبتمبر 15, 2008 12:33 am

    يسلمو يالغلا



    لا عدمناك

    loza
    الأداره
    الأداره

    عدد المساهمات : 3235
    العمل/ : تطوير المنتدى
    نقاط : 4478

    default رد: لكل محبي حامد زيد ((المباني)) و ((الريم اللعوب))

    مُساهمة من طرف loza في الإثنين سبتمبر 15, 2008 8:23 am



    ==========================================

    سعودي خجوول
    عضو جديد
    عضو جديد

    عدد المساهمات : 17
    نقاط : 0

    default رد: لكل محبي حامد زيد ((المباني)) و ((الريم اللعوب))

    مُساهمة من طرف سعودي خجوول في الخميس سبتمبر 18, 2008 9:32 am

    مشكوره خيتو

      الوقت/التاريخ الآن هو الخميس ديسمبر 08, 2016 11:57 pm